मुक्तक

हामी पीर नगरौं भन्नेहरू नै पीरमा छौं
ठुला ठुला समस्याहरूका भीरमा छौं
पखेटा फिँजाएर स्वतन्त्र नीलो आकाशमा
बेग हान्दै उडौं भन्नेहरू नै जन्जीरमा छौं

मुक्तक

खोजेको माया थ्यो विचरा भन्यौ
सयौं छन् रस चुस्ने भमरा भन्यौ
गरीबका सपनाको सीमा फरक हुन्छ
मन पर्दैन झुपडी र टहरा भन्यौ

मुक्तक

यहाँ प्यार हैन अत्याचार जीवन्त छ
मान्छेका विचार विचारको भीडन्त छ
सायद रोकिन्न युद्ध कालान्तरसम्म
किनकि, कानुन आफैमा सामन्त छ